NB: Seminaret er på Litteraturhuset i Oslo (rom: Wergeland).

Første fasen av KORO sitt kunstprosjekt i det nye
regjeringskvartalet opnar i 2026. På seminaret vil kuratorane
fortelje om kunststrategien som ligg til grunn for dei kuratoriske
vala; korleis dei har tenkt kring produksjon, innkjøp og eksisterande
verk, om det å etablere ei kunstsamling i sentrum av makta, og
kva det betyr å arbeide med kunst i eit prosjekt med stor offentleg
interesse. Eit utval kunstnarar vil fortelje om kunstverka sine og
dele erfaringar og refleksjonar frå arbeidet.

Arrangementet blir strøyma, og tilgjengeleg på KORO sine nettsidar
i ettertid.

Du kan lese meir om kunsten i regjeringskvartalet og melde deg på seminaret på koro.no